N staba xintadu mi sô, mi sô
Kónde mar soma ku se aga ta rola
Lógu xintidu korrê-me na bo
Mi lonji di bo sen sabe kema N staba

N staba xintadu mi sô, mi sô
Kónde mar soma ku se aga ta rola
Lógu xintidu korrê-me na bo
Mi lonji di bo sen sabe kema N staba

Mar sta ta ben mansu ta sana
Ku ar di portador di nova sábi
Ma loge ki N odja-l N txora

N txora sodadi di bo, nha kretxeu
Pamô es mar ki tenê-be lonje di mi
N anima, N pidi Nhordés na séu pa-L traze-m bo
Pa nha dór ten fin

N txora sodadi di bo, nha kretxeu
Pamô es mar ki tenê-be lonje di mi
N anima, N pidi Nhordés na séu pa-L traze-m bo
Pa nha dór ten fin

Mar sta lebaba un flor di speransa
Intxidu di sodade ke N ten di bo
K'é pa bo guarda pa nos lenbransa

N anima N pidi Nósa Sinhóra da Grasa
Pa-L djuda-m bo d'es afrónta ki bo sta
Pa-L livra-m bo di mal y má disgrasa
Ami pa-L konsola-m tê dia ki bo txiga na mi

N anima N pidi Nósa Sinhóra da Grasa
Pa-L djuda-m bo d'es afrónta ki bo sta
Pa-L livra-m bo di mal y má disgrasa
Ami pa-L konsola-m tê dia ki bo txiga na mi

Mar konta-m kuzé k'el fla-bu pa fla-m
Dipôs N fika na meiu di morte
Ama bida ku fadiga, ama ku dór na kurasãu

Seta nha alma n'un beiju di-meu
Pa bo ka beja ningen lonji di mi
Lenbra kema bo é di-meu, sô di-meu
Flor di bo peite é mi, sô mi

Seta nha alma n'un beiju di-meu
Pa bo ka beja ningen lonji di mi
Lenbra kema bo é di-meu, sô di-meu
Flor di bo peite é mi, sô mi

Mar sta ta lebaba un flor di speransa
Intxidu di sodade ke N ten di bo
K'é pa bo guarda pa nos lenbransa